y   

Bak

Identifikazio elektronikoko bitarteko berri bat da. Oso erabilerraza da eta aukera ematen du administrazioekin telematikoki harremanetan jartzeko.

Bak-ek bi maila edo bertsio ditu. Bata oinarrizkoa da, kritizitaterik gabeko izapide eta zerbitzuetarako. BakQ, berriz, maila altuagokoa da, transakzioetan segurtasun handiagoa bermatzen duena, baina bestea bezain erabilerraza da.

 

Oinarrizko mailako Bak identifikazio elektronikoko bitarteko bat da, eta honako hauek osatzen dute:

  • Erabiltzailearen NANarekin/AIZarekin bat datorren erreferentzia-zenbaki batek.
  • Pasahitz batek.
  • Eta kualifikatu gabeko ziurtagiri batek. Berori Izenperen gordailu zentralizatu seguru batean, “hodeian”, igortzen da eta sinatzeko ekintzetarako balioko du.

Gainera, dituen erabilera guztientzat edo batzuentzat osa daiteke gailu mugikor batera bidaltzen den kode baten bidez.

Bak-ek online igortze- eta aktibatze-prozesu bat eskatzen du abian jartzeko eta erabiltzeko prestatzeko. Prozesu erraza da, ordenagailutik nahiz edozein gailu mugikorretatik egin beharrekoa.

BakQ

Tarteko maila du (funtsezkoa). Honako hauek osatzen dute:

  • Erabiltzailearen NANarekin/AIZarekin bat datorren identifikadore batek.
  • Pasahitz batek (Bak-ekin partekatzen da).
  • 16 posizio dituen koordenatu-joko batek.
  • Eta ziurtagiri kualifikatu batek. Berori gordailu zentralizatu batean igortzen da eta sinatzeko ekintzetarako balioko du.

Egiaz, segurtasun-elementu erantsia (koordenatuak) duen Bak da. Eta balio juridiko handiagoa duen “hodeiko” ziurtagiria.

BakQ ere eskatu egin behar da eta, gainera, sinadura elektronikoko ziurtagiri baten sorkuntza lotuta egotean igortzen da; baina:

Ziurtagiri kualifikatua denez, IDENTIFIKAZIO PRESENTZIALA behar du, edota identifikazio elektronikoko baliozko beste bitarteko bat.

Era berean, BakQ igorri eta aktibatzeaz ari gara haren erabilera prestatzeko abiaraztean.

 

Bak-rekin eta BakQ-rekin, euskal administrazioetako hainbat zerbitzutan online kontsultak eta izapideak egin ahal izango dira.

Nola eskatzen da Bak?

Bak eskatzeko identifikazio presentziala behar ez denez, aktibazio-kode baten bitartez hasten da haren aktibazioa eta igortzea. Kode hori erabilera bakarrekoa da eta “eskaera online abiatzeko” aukera ematen du.

Egun, aktibazio-kodeak euskal administrazioek banatzen dituzte, baldin eta kanpaina bat edo proiektu bat abiarazita badaukate eta izapideak egiteko B@k beharrezkoa badute.

Nola aktibatu eta igortzen da Bak?»

Kasua ez bada, hobe da BakQ bat eskatzea. Berori eskatzea libre da (ez du kanpaina edo proiektu bati lotuta egon behar) eta, gainera, zerbitzu eta izapide gehiagotarako baliozkoa da.

BakQ bat eskatzeak berekin dakar Bak ere erabiltzeko aukera. Hortaz, harrezkero, horietako edozein erabili ahal izango duzu kasuak kasu.

 

Non eskatu behar da BakQ?

BakQ edukitzeko hiru modu daude.

  • IZENPEren itsasontzi-joko bat operatibo baduzu, on line bihur dezakezu BakQ (erabiltzailea, pasahitza eta koordenatuak sartu eta bihurketa egiteko aukera emango dizu). Koordenatu-joko bera mantenduko duzu.
  • IZENPEren herritarren ziurtagiria baduzu edo NAN elektronikoa baduzu, on line eska dezakezu zure BakQ, on line eskaerak.
  • On line soluzioetako bat bera ere ez baduzu. Aldaketa eskatzeko, aurrez aurreko arretarako puntu hauetako batera hurbildu beharko duzu. Proposatzen dizugun mapan aurki dezakezu hurbilen duzun arreta-puntua (600 puntu baino gehiago dira), bertan BakQ eskatzeko zer erakunderengana jo dezakezun ageri da.  

 

Puntu horretan osatuko da eskaera eta jakinaraziko dizute zer urrats egin behar diren.

 

Nola igorri eta aktibatzen da BakQ?

  1. Arretagune batean eskabidea osatu ondoren, posta elektroniko bat bidaliko dugu. Bertan, koordenatuak eta igortze- eta aktibazio-prozesurako esteka bat aurkituko dira.
  2. Igortze- eta aktibazio-prozesua oso erraza da:
  1. SMS bat bidaltzen dizugu. Horretan, pasahitz bat egongo da, gogoratzen erraza izango den beste batekin ordezkatu beharko duzuna.
  2. Datu pertsonalak egiaztatzen dira eta BakQ erabiltzeko terminoak eta baldintzak onartzen dira.
  3. Lehen aldiz autentifikazio bat egiten da sinadura-ziurtagiria hodeian igorri ahal izateko.
  4. BakQ prest egongo da autentifikatzeko eta nahi diren online harremanetan sinatzeko.

 

 

Nola erabiltzen da BakQ?

Euskal administrazioek egoitza elektronikoak eta bulego birtualak dituzte, eta administrazio horiekiko gure kudeaketak egoitza eta bulego elektroniko horietan egin nahi baditugu, geure burua identifikatu beharko dugu.

Identifikazio arina eta erraza egiteko, Euskadiko identifikazio-ataria erakusten dute.

 

Bertan, hainbat identifikazio-bitartekoren artean hautatzeko aukera izango duzu, eta zuk daukazuna edo une horretan erabili nahi duzuna hautatu beharko duzu.

Eta beste administrazio batzuetan?

Izenperen identifikazio elektronikoko ataria erabiltzen ez duten administrazioekin eta erakundeekin harremanetan jartzen zarenean ere BakQ erabil dezakezu identifikatzeko eta sinatzeko.

Sinadura-ziurtagiri kualifikatu bat du zure BakQ-k. Hortaz, eta ziurtagiri kualifikatu hori txartel fisiko batean (herritarraren ziurtagirian adibidez) erabiliko balitz bezalaxe erabili ahal izateko, Izenpek txartel birtuala jartzen du zure esku.

Zure ordenagailuan instalatzen den software txiki bat da, eta horrekin ziurtagiri digitalen erabilera ahalbidetzen duen edozein egoitza edo bulego elektronikotan identifikatu ahal izango zara. Hartara, txartel birtualak beste edozein ziurtagiriren moduan funtzionatzen du, eta edozein tramitetan eta zerbitzutan erabili ahal izango da.

Deskargatu eta instalatu ordenagailuan

Windows 32rako txartel birtuala »

Windows 64rako txartel birtuala »

Akatsak MSVCR120.DLL fitxategia falta dela esaten badu, ondorengo paketea jarri behar dute:

vcredist_x64 »

vcredist_x86 »

Nola funtzionatzen du txartel birtualak? »

BakQ-ri buruz

1.- Zer da BakQ?

Era berean, pertsona fisikoak identifikatzeko, autentifikatzeko eta elektronikoki sinatzeko bitarteko bat da, honako hauek osatutakoa:

    • Erabiltzailearen NANarekin/AIZarekin bat datorren identifikadore batek.
    • Pasahitz batek (Bak-ekin partekatzen da).
    • 16 posizio dituen koordenatu-joko batek.
    • Eta ziurtagiri kualifikatu batek. Berori gordailu zentralizatu batean igortzen da eta sinatzeko ekintzetarako balioko du.

Egiaz, segurtasun-elementu erantsia (koordenatuak) duen Bak da. Eta balio juridiko handiagoa duen “hodeiko” ziurtagiria.

 2.- Zertarako balio du BakQ-k?

Bak-ek bezala, BakQ-k aukera ematen du euskal administrazioetako hainbat zerbitzutan online kontsultak eta izapideak egiteko. BakQ-ren kasuan, segurtasun-maila handiagoa denez, sarbidea ematen du izapide eta zerbitzu kopuru handiagorako.

 3.- Nola lor daiteke BakQ?

Ziurtagiri kualifikatua denez, IDENTIFIKAZIO PRESENTZIALA behar du, edota identifikazio elektronikoko baliozko beste bitarteko bat.

Era berean, BakQ igorri eta aktibatzeaz ari gara haren erabilera prestatzeko abiaraztean.

 

4.- Nola eskatuko dut BakQ?

 IZENPEren itsasontzi-jokoa operatibo baduzu, on line bihur dezakezu BakQ. B@kQ probatu» ataletik egin beharko duzu (identifikazio-datuak sartu eta aldatu ahal izango duzu).
 

Bestela, aldaketa eskatzeko, aurrez aurreko arretarako puntu hauetako batera hurbildu beharko duzu. Proposatzen dizugun mapan aurki dezakezu hurbilen duzun arreta-puntua, bertan BakQ eskatzeko aurrez aurreko arreta ematen duten entitateak ageri dira.

5.- Nola igorri eta aktibatzen da BakQ?

      1. Arretagune batean eskabidea osatu ondoren, posta elektroniko bat bidaliko dugu. Bertan, koordenatuak eta igortze- eta aktibazio-prozesurako esteka bat aurkituko dira.
      2. Igortze- eta aktibazio-prozesua oso erraza da:
      3. SMS bat bidaltzen dizugu. Horretan, pasahitz bat egongo da, gogoratzen erraza izango den beste batekin ordezkatu beharko duzuna.
      4. Datu pertsonalak egiaztatzen dira eta BakQ erabiltzeko terminoak eta baldintzak onartzen dira.
      5. Lehen aldiz zure burua autentifikatu beharko duzu hodeiko sinadura-ziurtagiria igorri ahal izateko.
      6. BakQ prest egongo da autentifikatzeko eta beharrezkoak dituzun online harremanetan sinatzeko.

4 urrats BakQ igortzeko » (PDF, 835 KB)

Bak-i buruz

    1.       Zer da Bak?

    B@k pertsona fisikoentzako identifikazio-baliabide elektronikoa da, autentifikatzeko eta sinatzeko aukera ematen duena. Osagai hauek ditu:

    • Erreferentzia-zenbaki bat, erabiltzailearen  NANarekin/AIZrekin bat datorrena.

    • Pasahitz bat.

    • Ziurtagiri kualifikatu gabe bat, Izenperen errepositorio zentralizatu seguru batean, “hodeian”, sortzen dena eta sinadura-egintzetarako baliagarria izango dena.

    Gainera, gailu mugikorrera bidaliko den kode baten bitartez osatu ahal izango da erabilera guztietarako edo batzuetarako.

     

    2.       Zertarako erabil dezaket Bak?

    Bak-ekin online kontsultak eta izapideak egin ditzakezu oinarrizko segurtasun-maila eskatzen duten euskal administrazioen hainbat zerbitzutan.

    Administrazio batek izapidea Bak gakoekin egiteko aukera eskaintzen duen zerbitzu eta/edo kanpainaren bat sortzen denean, aktibazio-kodea eta B@k eskatzeko eta igortzeko argibideak bilduko dituen gutun bat bidaliko zaie interesdunei.

     

    3.       Nola lor dezaket Bak?

    B@k bat eduki ahal izateko, aktibazio-kodea biltzen duen Bizkaiko Foru Aldundiaren gutun bat jaso behar izan duzu.

     

    4.       Banuen Izenperen itsasontzi-jokoa, eduki dezaket Bak?

    Bai horixe. Identifikazio-baliabide elektroniko osagarriak dira, oinarrizko edo erdi mailako autentifikazioa eta sinadura egiteko aukera emango dizutenak, administrazioekin mota guztietako online izapideak egin ditzazun.

     

     

    Bak abian jartzea.

     

    5.       Nola aktibatu eta abian jarri nire Bak?

    Aktibazio-kodea daukazunean, B@k aktibatzeko eta igortzeko prozesua hasteko webgune honetara jo behar duzu: https://servicios.izenpe.com/bak/eu/

    Geuk esango dizugu zer urrats egin bideo honetan »

     

    6.       Zer behar dut Bak aktibatzen eta igortzen hasi aurretik?

    1. Bak-en aktibazio-kodea duen gonbit-gutuna.
    2. NANaren datuak eskura izatea: zenbakia eta iraungitze-data, nortasuna egiaztatzeko galdetuko dizkizugu-eta.
    3. Telefono mugikorra, bertan jasoko baituzu Bak-en pasahitza.

     3 minutu baino ez duzu behar abian jartzeko!

     

    7.       Ez dut aktibazio-kodea jaso. Nola eska dezaket beste bat?

    Jarri harremanetan Bizkaiko Foru Aldundiarekin. Higiezinen baten titular bazara eta katastro-balioei buruzko txostenaren jakinarazpena jaso behar baduzu, haiek egingo dituzte Bak-en aktibazio-kode berri bat bidaltzeko izapideak.

     

    8.       Nire NANa iraunkorra da, ez du iraungitze-datarik. Zer datu sartuko dut eremu horretan?

    NANa iraunkorra denean, 01/01/9999 da NANaren iraungitze-datan jarri behar dena.

     

    9.        Nola erabiltzen da reCAPTCHA?

    Nahikoa da kontrol-laukian klik egitea.

    Marka berde bat ikusten baduzu, gainditu duzu proba eta jarrai dezakezu egiten ari zinenarekin.

    Batzuetan informazio gehixeago behar izaten da eta, hortaz, desafio bat ebazteko eskatzen du:

    Nahikoa da pantailan agertzen diren argibideei jarraitzea, buru-hausgarria ebatzi eta aurrera jarraitzeko.

     

    10.   Ez zait pasahitzaren SMSa iritsi mugikorrera. Zer egin dezaket?

    Izenperen Bak arreta-zerbitzura deitu dezakezu (902542542 / 945016290),  beste bat bidal diezazuten, igorpena eta aktibazioa behar bezala osatzeko.

      

    11.   “Aktibazio-kodeak ez du balio” agertzen da. Nola konpon dezaket?

     Jarri harremanetan Izenperen Bak arreta-zerbitzuarekin telefono honetan:902542542 / 945016290.

     

    Bak eta BakQ-ren erabilera

    1. Ez dut gogoratzen nire Bak/BakQ pasahitza. Nola berreskura dezaket?

    Zure pasahitza berreskuratzeko aukera duzu autentifikazio-pantailan bertan aurkituko duzun estekaren bitartez:

     

     

    Edo Izenperen zerbitzu-ataritik egin dezakezu: https://www.servicios.izenpe.com/home/

     

     

    1. Nire Bak/BakQ pasahitza blokeatu dut. Nola berrezarriko dut pasahitza?

    Bak-ren kudeaketa guztiak Izenpeko zerbitzuen ataritik egin ditzakezu:

    https://servicios.izenpe.com/

     

    1. Bak/BakQ harremanetarako posta elektronikoa aldatu nahi dut. Nola egin dezaket?

    Izenperekin harremanetan jartzeko datuak eguneratu eta alda ditzakezu zerbitzuen ataritik, Bak eta itsasontzi-jokoa kudeatzeko panelera sartuta.

    1. Eta, aldatu al dezaket telefono mugikorraren zenbakia?

    Harremanetarako posta elektronikoaren helbidearekin bezala, telefono mugikorraren aldaketak Izenpeko zerbitzuen atarian egingo dira, Bak eta itsasontzi-jokoa kudeatzeko panelera sartuta.

    1. Eduki al dezaket Bak/BakQ bat baino gehiago? Partekatu al daitezke?

    Ez. Bak identifikazio elektronikoko bitarteko pertsonala da. Beraz, pertsona bakoitzak bakarra izango du eta, gainera, pertsonala eta besterenezina izango da.

    Akreditazioak

    • ETSI TS 101456
    • ETSI TS 102042
    •  ETSI TS 102023
    • Certificado Aenor 27001
    • ETSI MEMBER
    • Reconocimiento a la igualdad Emakunde
    • Bikain, Euskararen Kalitate Ziurtagiria