Atari korporatiboa
Izenpe Mobile
Izenpe Mobile aplikazio mugikor bat da, bere gailu mugikorra identifikazio elektroniko segururako bitarteko gisa erabiltzea ahalbidetzen duena.
Izenpe Mobile aplikazio mugikor bat da, bere gailu mugikorra identifikazio elektroniko segururako bitarteko gisa erabiltzea ahalbidetzen duena. Horrekin, Izenpeko biltegi zentralizatu batean dagoen BakQ nortasun digitala eskuratuko du. Aplikazio mugikor horretatik identitate horretarako sarbidea PIN batek babesten du, eta aplikazioak berretsi beharreko transakzioaren xehetasunak edo sinatzeko eskatu zaizun dokumentua erakusten ditu.
Identifikazio elektronikorako bitarteko gisa BakQ duen pertsona orok bi bide izango ditu Euskadiko identifikazio elektronikoko ataritik autentifikatzeko: pasahitza eta SMS kodea edo aplikazio mugikorra.
Aplikazioa autentifikatu eta sinatu ahal izateko diseinatuta dago, instalatuta dagoen gailu mugikorrean bertan edo beste gailu batzuekin konbinatuta (mugikorrak edo ordenagailu arruntak), txartel birtualetik ere bai.
Bi urrats egin behar dira aldi berean:
1.- Izenperen zerbitzu-webguneko BakQ kudeaketa-paneletik Izenpe Mobilen alta eskatzea.
2.- Aplikazioa deskargatzen den gailu mugikorrean prozesua osatzea.
Alta-prozesuak eta aplikazioak aldi berean gidatuko zaituzte prozesua osatzeko.
Android eta iOS sistemetarako dago eskuragarri:
Aplikaziotik jarraitu beharreko urratsak hauek dira:
- Sartu instalatutako aplikazioan.
- Aukeratu PIN bat eta/edo erabili hatz-marka digitala.
- Izenpek zure ordenagailuaren alta-prozesuan erakusten dizun kodea eskaneatu edo osatu.
- Zorionak! Erabili BakQ Izenpe mobile erabiliz.
Egoitza elektroniko edo bulego birtual batean identifikatu nahi izanez gero, identifikazio-bitarteko onartuen aukerak erakusten badizkizu, IZENPE mobile botoia aukeratu behar duzu.
Zure telefono mugikorrak identifikazio-eskaeraren berri emango dizu.
Berretsi PINarekin edo hatz-marka digitalarekin, eta autentifikazioa osatu egingo da.